بحث التسجيل دخول

مقالات

غسالة …ومش كله غسيل

صحيفة عالم محايل الإلكترونية صحيفة عالم محايل الإلكترونية

بقلم : نهي اباظه | مصر

 

غسالة .ومش كله غسيل …ده بينشف ..وده عل حبل يطير..

 

وده ابيض وسط التلوين ….والتاني فيه شحم و طين ..اللي صغير فيها كبير..واللي مركب رقبه ..طويل ..,,غساله ..ومش كله غسيل…

 

غساله وغسيلها جواها بيعاني ..الاول مش طايق التاني.

 

اللي بيملك فيها اناني… دورة سريعه . جري وخطف.

 

وقليل الحيله غلبان مش غالي  ..مكانه فيها  زرار الشطف..

 

.يلف .يلف واخره يسف  

 

غساله ومش كله غسيل…

 

غساله وشويه مسحوق ..بس خساره مابينضفش.. الضمير فيه بقعه كبيره مابتتطلعش ..والقلب لونه فحم مع انه شباب  ..والنية  معاها بالاسباب ..والدماغ حتي لو رايقه برضه ..متكحله بهباب..

 

ايوه هباب و طلعت فضيحه ..والموتور كان اصله صفيحه ..غساله ومش كله غسيل….

 

غساله والدنيا واقفه علي زرار …شغاله بحلة وتيار …وانت مابين كهربا ونار وزنك فيها .يادوب كام كيلو ..بتلف معاها من الزيرو.

 

شاكب راكب ..وكمان مش  عاجب …ويوم ماتقول اللي في نفسك …

 

تبقي العين عليت عل الحاجب… غساله ومش كله غسيل ..

 

غساله وبابها مقفول ..مابيفتحش غير للفول ..فول اتوماتيك مش فول مطحون ولما الريحه تبقي صابون …تبقي السمعه في المضمون …

 

غساله ومش كله غسيل…

 

غساله و طلعت محتاسه ..و ناس هلاسه ملهاش حصر..

 

اتعودوا فيها عل سوء النيه .علي قله اصل...ولما فكروا يعملوا فصل …شغلوها علي زرار العصر..

 

وغسيلنا مش بيشرفنا.. ولا 100 دوره بتنضفنا ..ولما بنفضل عل نفس الحاله ..تبقي حالتها مش شغاله .. 

 

غساله ومش كله غسيل

0
45 0

التعليقات : 0


    أضافة تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    المزيد

    ملعب الزهب .. فيه حصدت الذهب

    0 258

    دورة الشهيد المتحمي جمعت الروعة بالجمال: حضور جماهيري يسر النظر وعزف كروي جميل داخل الملعب

    0 497

    هنا محمد بن راشد: اكسبو دبي 2020 تواصل العقول وصنع المستقبل

    0 256

    أفشوا السلام بينكم

    0 338
    error: سبحان الله والحمد الله ولا إله الا الله والله اكبر